Tuıyq keńistikte karantın ýaqytyn ótkizý – barsha álem jurtshylyǵy tap bolǵan másele. Psıhologtar onlaın-konsertter tamashalaýǵa, chellendjder uıymdastyrýǵa, ózin-ózi damytýmen aınalysýǵa keńes beredi. О́zge qazaqstandyq ártistermen qatar, «Astana Opera» teatrynyń vokalısteri klassıkalyq ónerdi súıetin barsha qaýymǵa onlaın-terapııa usynady.
Onyń máni – mýzyka baǵalaýshylarynyń nazaryn aýdartyp, áleýmettik jelilerde solısterdiń konsertmeısterlermen birge daıyndyqtarynyń qalaı ótip jatqandyǵyn kórsetý, olardy opera óneriniń jaýharlarymen tanystyrý, sol arqyly jaǵymsyz ári keleńsiz aqparat aǵynynan adamdardyń kóńilin bólý. Qazaqstandyq ártister Mádenıet jáne sport mınıstrligimen uıymdastyrylǵan shyǵarmashylyq estafetany bir-birine joldaýda. Vedomstvo #BirgeEńseremiz, #BizBirgemiz jobalarynyń aıasynda karantındegi ýaqytty tıimdi ótkizýge keńes beredi.
- Ár ýaqytta da óner adam úshin qyzmet etti: ol dáýirler arqyly adamdarǵa jaqsy men jaman, ıgilik pen zulymdyq, qýanysh pen merzimi jetken másele týraly aıtýǵa járdemdesken. Mýzyka – jalǵan nársege shydaı almaıtyn eń mánerli tilderdiń biri, ol – ámbebap, turaqty ári máńgi. Bıyl 175 jyldyq mereıtoıy atalyp ótip jatqan uly Abaı Qunanbaev akkordtary men fılosofııalyq oıy bir márte shyrqalǵannan-aq qazaqstandyqtardyń júrekterinde máńgi áýeleı beretin kompozısııany dúnıege ákeldi. «Kózimniń qarasy» adam janynyń tereń túpkirlerine enip, tyńdaǵan saıyn jańasha túısinýler, emosııalar men sezimder álemine jeteleıdi. Áleýmettik jelidegi paraqshamda otandastarymdy qoldaýǵa baǵyttalǵan beınerolık jarııalaımyn. Elimiz ben tutastaı álem úshin osynaý qıyn-qystaý kezeńde Tuńǵysh Prezıdent Qorynyń laýreattary men Qor janyndaǵy Mádenıet jónindegi keńes músheleri qazaq klassıkasynyń jaýharlaryn oryndaıdy. Tek bul joly qoıylym opera sahnasynda emes, karantın rejıminde úıden usynylady – sebebi ónerdiń shekarasy joq. Esterińizde bolsyn, biz birlesip bárin de jeńemiz - #Bizbirgemiz, - dep atap ótti óz akkaýntynda Qazaqstannyń eńbek sińirgen qaıratkeri, «Astana Opera» opera trýppasynyń meńgerýshisi Azamat Jyltyrkózov.
Budan bólek, barıton ánshi P.I.Chaıkovskııdiń «Don Jýannyń serenadasyn» shyrqap, estafetany opera sehyndaǵy óz áriptesterine joldady, ózi bolsa muny QazUО́Ý stýdentteri Álıhan jáne Omarhan Omarǵazınderden qabyldaǵan bolatyn. «Qurmet» ordeniniń kavaleri, teatrdyń jetekshi solısi Aızada Qaponova tyńdarman nazaryna I.Shtraýstyń «Jarqanat» operettasynan Adeldiń shýmaqtaryn usyndy. Opera ánshisinen chellendjdi belgili ártister – Talǵat Musabaev, Rasýl Jarmaǵambetov, Aıgúl Qosanova qabyldamaq. Maıra Muhamedqyzy, Jupar Ǵabdýllına, Dına Hamzına jáne basqa kóptegen ártister óz oqyrmandarymen belsendi qarym-qatynas jasaýda.
Qazaqstandyq opera dıvasy, Qazaqstannyń eńbek sińirgen ártisi, QR Memlekettik syılyǵynyń laýreaty Maıra Muhamedqyzy 4 sáýir kúni saǵat 21:00-de Qazaqtelekomnyń YouTube kanalynan tikeleı efırde Live formatyndaǵy jeke konsertin beretinin atap ótken jón!
Konsert baǵdarlamasyna qazaqtyń halyq ánderi, Abaı Qunanbaevtyń týyndylary, tanymal ıtalıandyq jáne klassıkalyq orys romanstary engen.
Eske salar bolsaq, QR Mádenıet jáne sport mınıstrligi «Qazaqtelekom» AQ-men birlesip, Live formatynda «Karantındegi juldyz» jańa jobasyn iske qosqan bolatyn. Sondaı-aq kórermenderdiń ártistermen suhbattasý múmkindigi týyndady. Konsertter ashyq ári barshaǵa qoljetimdi túrde tegin ótkiziledi.