Ilon Mask pen onyń áıeli ánshi Graıms uldarynyń atyn ózgertýge májbúr boldy. Kópten beri qatty shataq shyǵarmasa da oǵash oılar aıtyp, adamdardy tań qaldyryp júrgen Mask myrza jaqynda dúnıege kelgen ulyna X Æ A-12 degen esim bergen edi. Túsine alasyz ba?
Bul esim Kalıfornııa shtatynyń zańyna qaıshy keledi eken. Amerıkanyń atalmysh shtatynyń zańy boıynsha adam atynda sıfr bolmaý kerek. Sol sebepti erli-zaıyptylar kenjeleriniń atyn ózgertýge májbúr bolǵan. Endi balanyń esim X Æ A-Xii bolady.
Aıtýǵa nemese oqýǵa jeńil dep oılaısyz ba? Qyzyq esimdi taldap kóreıik. H degenińiz belgisiz aınymaly eken. Æ bolsa german-skandınavtardyń ańyz halqy álfter tilinde Ai dep oqylyp, mahabbat nemese jasandy ıntellekt maǵynasyn beredi deıdi. A-12 - otbasy ushaǵynyń tańbasy ári A árpi Graımstyń súıikti áni «Arhangeldi» bildiredi. Ilonnyń aıtýynsha, balanyń aty «Iks Esh Eı Týelv» dep oqylady.
Qyzyq esimdi qazaqtar ǵana emes basqa halyq ta beretinin bilip júrińizder!