Saıası qýǵyn-súrgin jáne asharshylyq qurbandaryn eske alý kúnine oraı, Nur-Sultan qalasy ákimdigi Memlekettik akademııalyq fılarmonııasynyńbasshylyǵy men ártisteri Respýblıka dańǵyly men Abaı kóshesiniń qıylysyndaornalasqan «1932-1933 jyldardaǵy asharshylyq qurbandaryna taǵzym»monýmentine gúl shoqtaryn qoıdy.
Jazyqsyz qurban bolǵandarǵa qurmet kórsetý úshin Qýat Ejembek Esteý Núsipbekovtiń «Qýǵyn-súrgin qurbandarynyń kesenesinde» óleńin oqydy. Zobalań ýaqyt qurbandaryn eske alý barysynda elordalyq fılarmonııanyń bas dırektory Erlan Dakenov saıası qýǵyn-súrgin jyldarynyń tarıhtyń qaıǵyly betteri bolǵanyn atap ótti.
«Saıası qýǵyn-súrgin jáne asharshylyq qurbandaryn eske alý kúni − el tarıhyndaǵy erekshe kún. Biz qatigez totalıtarlyq júıeden zardap shekken adamdardy, ulttyq ıntellıgensııanyń ókilderi - jazyqsyz qaza tapqan Álıhan Bókeıhanov, Ilııas Jansúgirov, Maǵjan Jumabaev, Beıimbet Maılın jáne t.b. qurbandardy máńgi este saqtaýymyz kerek», - dedi ol.
Erlan Dakenov bizdiń halqymyzdyń basyna túsken barlyq qıyndyqtarǵa qaramastan, qazaqstandyqtardyń qonaqjaı ekenin atap ótti.
«Bizdiń jerimiz, Qazaqstan Prezıdenti Qasym-Jomart Toqaev atap ótkendeı, totalıtarızmnen zardap shekken kóptegen halyqtar úshin qutty mekenge aınaldy. Biz tarıhymyzdyń qaıǵyly betterin eske túsire otyryp, táýelsiz Qazaqstannyń bolashaǵyn jasaı alamyz. Máńgilik tynyshtyq bolsyn!», - dep tolyqtyrdy.