Qaraquıryq – Mańǵystaý túbegi men Ústirt jonynda ındýstrıalızasııa bastalmaı turyp, ıaǵnı ótken ǵasyrdyń ortasynda, sany júz myńnan kem emes bolǵan, al qazir Qazaqstannyń Qyzyl kitabyna engen bókenniń túri. Aqtaýdaǵy "Bilim-Innovasııa" oblystyq lıseı bazasynda ótken qaraquıryqty saqtaý úshin keıbir aýyldyq mektep oqýshylaryn tartýǵa baǵyttalǵan jobany iske asyrý boıynsha jumys josparyna saı ótken dóńgelek ústelde qaraquıryqtar máselesi talqylandy, - dep jazady Egemen.kz
"Tabıǵı orta" Batys Qazaqstan úkimettik emes uıymdary óńirlik assosıasııasynyń keńes tóraǵasy, Ekologııa mınıstrliginiń ambassadory Ádilbek Qozybaqovtyń aıtýynsha, Mańǵystaý oblysynda Halyqaralyq tabıǵatty jáne tabıǵı resýrstardy qorǵaý odaǵy (IUCN) "Túrlerimizdi saqtaıyq!" (SOS) baǵdarlamasynyń kishi granty aıasynda «Qazaqstannyń Mańǵystaý oblysyndaǵy aýyldyq mektep oqýshylary arasynda qaraquıryqty saqtaýdy nasıhattaý» jobasy iske asyrylyp bastady. Joba maqsaty – qaraquıryqtyń mekendeý arealyndaǵy aýyldarda turatyn mektep oqýshylarynda jáne (olar arqyly) olardyń dostarynda, týystary men ata-analarynda qaraquıryqtyń, jalpy týǵan tabıǵattyń saqtalýy úshin jaýapkershilik sezimin oıatý.
"Barlyq múddeli taraptardyń múddelerin eskeretindeı jumys josparyn jasaý úshin bizder oblystyq bilim basqarmasyn, oblystyq tabıǵı resýrstar jáne tabıǵatty paıdalanýdy retteý basqarmasyn, "Qyzylsaı" memlekettik óńirlik tabıǵı parkin, orman sharýashylyǵy jáne janýarlar dúnıesi aýmaqtyq ınspeksııasyn, Aqtaý qalasyndaǵy Hımııa-bıologııa baǵytyndaǵy Nazarbaev Zııatkerlik mektebin jáne "Ecojer" qaýymdastyǵy Batys Qazaqstan boıynsha fılıaly Mańǵystaý oblysynyń óńirlik ekologııalyq keńesin shaqyrdyq. Endi osylardyń barlyǵy bizdiń negizgi seriktesterimiz boldy", – dep málimdedi Á.Qozybaqov.
2021 jyldyń qazan aıyn qosa qamtyǵan jumys josparynyń jobasy qyzý talqylanyp, otyrysqa qatysýshylardyń jóndi usynystary eskerildi.
Talqylaýǵa qatysqan "Ecojer" qaýymdastyǵy óńirlik ekologııalyq keńesiniń múshesi Nurbol Oqýovtyń aıtýynsha, osy jobanyń ereksheligi aýyl oqýshylarynyń jáı ǵana ekologııalyq mádenıetin arttyrýmen shektelmeı, osy balalar arqyly olardyń ákeleri men aǵalaryna, ıaǵnı ózderi brakoner bolýy nemese syrttan kelgen brakonerlerge joıylyp ketý qaýipi tónip turǵan qaraquıryqtardy izdeýge kómektesýi múmkin týystaryna, moraldyq áser etýinde. Ol úshin Mańǵystaý aýdanynyń Shebir, Tushyqudyq, Qyzan, Aqshymyraý, Úshtaǵan aýyldarynda jáne Beıneý aýdanynyń Tólep aýylynda aýyldyq mektepteri mańynda "Qaraquıryq dostary" klýbtaryn quryp, osy klýbtardyń jumysyn júıege qoıý kózdelgen.
Nátıjesinde jumys jospary aıtylǵan usynystar boıynsha ózgertýler men tolyqtyrýlardy, onyń ishinde oblystyq bilim basqarmasymen tıisti memorandýmǵa otyrý da bar.
Mańǵystaý oblysy