Sot tutynýshylardyń quqyǵyn qorǵaý komıtetiniń áýe reısteriniń bıletterin qaıtarý týraly Bek Air áýe kompanııasyna qarsy talap aryzyn qanaǵattandyrdy, - dep jazady Egemen.kz
Qalalyq sottyń baspasóz qyzmetinen habarlaǵandaı, Almaty qalasynyń Túrksib aýdandyq soty tutynýshylardyń quqyqtaryn qorǵaý komıtetiniń Bek Air áýe kompanııasyna qarsy tutynýshylardyń buryn satyp alynǵan bıletterdiń tolyq qunyn jáne olarǵa tólengen qarajatty óndirip alý quqyǵyn taný týraly talap aryzy boıynsha azamattyq isti aıaqtady.
Beınekonferensııa formatynda ótken sot prosesinde quqyǵyn qorǵaýǵa júgingen azamattar sany 908 adamǵa deıin jetken. Olar 54 mln teńgeden astam somaǵa 1600 shamasynda avıabılet satyp alǵan.