Osydan dál 50 jyl buryn, ıaǵnı 1970 jyldyń 21 maýsymynda Meksıkada uıymdastyrylǵan álem chempıonaty óz máresine jetti. 20 kúnge sozylǵan dop dodasy Brazılııa fýtbolshylarynyń aıqyn jeńisimen aıaqtaldy, - dep habarlaıdy Egemen.kz.
Fınaldyq saıys Meksıkanyń astanasy – Mehıkodaǵy áıgili "Astekada" ótti. Brazılııa men Italııa arasyndaǵy sheshýshi básekeni tamashalaý úshin stadıonǵa 108 myń kórermen jınaldy. Birinshi kezeńde qos komanda bir-bir goldan soqty.18-mınýtta Pele esep ashsa, 37-mınýtta Roberto Bonınsenıa tarazy basyn teńestirdi. Alaıda úzilisten keıin Ońtústik Amerıkadan kelgen oǵlandar qarqyndaryn kúrt kúsheıtip, qarsylastar qaqpasyn úsh márte dál kózdedi. Bul goldardyń avtorlary – Jerson, Jaırzıno jáne Karlos Alberto. Italııa fýtbolshylary bas kóterýge jaramady.
Sóıtip, osydan jarty ǵasyr buryn ótken álem chempıonatynyń fınaldyq saıysy 4:1 esebimen Brazılııa quramasynyń aıqyn jeńisimen aıaqaldy. Italııa kúmis medaldi ıelense, Germanııa Federatıvtik Respýblıkasy qolaǵa qol sozdy.
Aıtýly jarystyń eń úzdik oıynshysyna tıesili arnaıy syılyq dańqty Pelege buıyrsa, eń mergen shabýylshy ataǵyn Gerd Mıýller jeńip aldy. Nemis shabýylshysy osy birinshilik barysynda 10 márte mergendik tanytty.