El turǵyndary "5G densaýlyqqa zııan" degen dúrmekke erip, petısııaǵa qol jınap jatyr. Qazirgi tańda 25 myńnan astam qol qoıylǵan. Qajet qol sany 25 myń bolǵandyqtan az ýaqytta ol mejege ońaı jetken. Petısııa prezıdent saıtynda ornalasqan.
Qujattyń bastamashylary men jaqtaýshylary baılanystyń besinshi býyny COVID-19 koronavırýsyn taratyp, adam densaýlyǵyna zııanyn tıgizedi dep esepteıdi. Biraq bul paıymdamanyń ǵylymı negizdemesi bolmaı tur.
Budan buryn Brıtanııa men Nıderland elderinde koronavırýs taratady degen qorqynyshtan jergilikti halyq 5G stansalaryn órtep jibergen. Al, Perýda jańa stansa ornatady dep qoryqqandar 4G munarasyn tekserýge kelgen tehnık mamandardy urlap áketken. Osylaısha, álemde tehnologııa damyǵanmen halyq arasynda qorqynysh ta kóbeıe túsýde.