Otyrys barysynda Ortalyq saılaý komıssııasy tóraǵasy Berik Imashev aýmaqtyq saılaý komıssııalary usynǵan málimetterge sáıkes respýblıka boıynsha usyný kezeńinde Senat depýtattyǵyna 94 kandıdat usynylǵanyn aıtty, - dep jazady Egemen.kz.
"Salystyrmaly túrde 2017 jyly Senatqa kezekti saılaýda 89 kandıdat usynylǵan, 2014 jyly – 88, 2011 jyly – 96 kandıdat usynylǵan bolatyn. Qazirgi ýaqytta Senat depýtattyǵyna kandıdattardy tirkeý prosesi júrip jatyr. Ol osy aǵymdaǵy jyldyń 23 shildesine deıin jalǵasady", - dedi Berik Imashev.
Onyń aıtýynsha, senatordyń bir mandatyna ortasha alǵanda 5 úmitkerden keledi.
"QR OSK aqparaty boıynsha, Parlamenttiń joǵarǵy palatasynda ortasha eseppen 5 úmitker bir orynǵa úmitker. Bıylǵy jyly úmitkerlerdiń eń kóp sany Almaty oblysynda – 9, Nur-Sultan qalasynda – 8, eń azy – 4 úmitker Shyǵys Qazaqstan, Qostanaı oblystarynda jáne Shymkent qalasynda usynyldy", - deıdi OSK tóraǵasy.