QR Parlamenti Májilisiniń depýtaty, áleýmettik-mádenı damý komıtetiniń múshesi Natalıa Jumadildaeva Qyzylorda qalasyndaǵy jalpy bilim berý mekemeleriniń jóndeý jumystary jáne oqý jylyna daıyndyq barysymen tanysty.
Bilim ordalary "Jumyspen qamtý – 2020" baǵdarlamasy aıasynda jóndeýden ótkizilýde. Baǵdarlama aıasynda Qyzylorda qalasynda 4 mektep, 2 balabaqsha jóndelýde. Odan bólek, "Aýyl el besigi" baǵdarlamasy aıasynda N. Mahambetov aýylyndaǵy №143 mektep, halyqaralyq granttar negizinde qala ortalyǵyndaǵy №1mektep-gımnazııa, №4 IT mektep-lıseı jáne №176 orta mektepte jóndeý jumystary júrgizilýde.
Eń aldymen depýtat qala ortalyǵyndaǵy J. Qızatov atyndaǵy №23 mektep-lıseıiniń jóndeý jumystarymen tanysty. J. Mahanbetov atyndaǵy №43, N. Ahmadeeva atyndaǵy №112, Á. Moldaǵulova atyndaǵy №173 orta mektepterdegi jóndeý jumystaryn da kórdi.
N. Jumadildaeva mektepterdiń jańa oqý jylyna daıyndyǵyn baqylap, kezekshi synyptardy engizý, mektepte karantındik talaptardy saqtaý boıynsha usynystar aıtty. Mektep dırektorlarynyń oqýlyqtar jáne bilim berýdiń onlaın formatyna aýysý máselesi týraly pikirlerin tyńdap, sheshý joldaryn talqylady.