Májilis depýtaty Irına Aronova Qostanaı oblysy boıynsha jańa oqý jylyna daıyndyq jaǵdaıymen tanysty. Jazǵy demalys kezinde atalǵan óńir boıynsha barlyq mektepte aǵymdaǵy jáne kúrdeli jóndeý jumystary júrgizilip, materıaldyq-tehnıkalyq baza nyǵaıtyldy. Jergilikti bilim salasy mamandarynyń aıtýynsha osy jyly 9,2 mlrd teńge qarjy bólinip, 130 nysanǵa kúrdeli jóndeý júrgizilgen. Bul týraly Egemen.kz Májilistiń baspasóz qyzmetine silteme jasap habarlaıdy.
Irına Aronova oblystyq ustazdar qaýymymen onlaın konferensııada qazirgi karantın jaǵdaıynda bilim berý jumysyn uıymdastyrý taqyrybyn talqylady. Málim bolǵandaı, barlyq mektepterde sabaq qashyqtyqtan oqytýdan bastalady. Ol úshin barlyq jaǵdaı jasalǵan.
Alaıda, depýtat qashyqtyqtan oqytýda bilim berý sapasyna nuqsan keltirmeýge basa nazar aýdardy. Onlaın kezdesý barysynda ustazdar men olardyń otbasyn áleýmettik qoldaý jaıy da nazardan tys qalmady. Naqty aıtqanda, koronovırýs indetin juqtyrǵan muǵalimderdi saýyqtyrý máselesi áńgime ózegine aınaldy.
Ustazdar qaýymy bıyl tuńǵysh ret bastaýysh synyptar úshin uıymdastyrlatyn "kezekshi synyptar" máselesine depýtat nazaryn aýdardy. Aıtýlarynsha, júktemeniń artýyna baılanysty eńbekaqy tólemine qatysty normatıvtik-quqyqtyq baza joq.
Osy deńgeıde basqa da ózekti suraqtardy óz kezeginde depýtat quzyrly organdarmen birlesip sheshýge ýáde etti.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.