Densaýlyq saqtaý mınıstrliginiń taýarlar men qyzmetterdiń sapasy men qaýipsizdigin baqylaý komıteti Qazaqstanda shekteý sharalary men karantındi engizý boıynsha erejeler belgilengen qaýly jobasyn jarııalady, - dep habarlaıdy Egemen.kz.
Ashyq normatıvtik-quqyqtyq aktiler portalynda "Qazaqstan Respýblıkasynyń aýmaǵynda shekteý is-sharalaryn, onyń ishinde karantındi júzege asyrý qaǵıdalaryn jáne Paıda bolý jáne taralý qaýpi tóngen kezde shekteý is-sharalary, onyń ishinde karantın engiziletin ınfeksııalyq aýrýlardyń tizbesin bekitý týraly" buıryq jobasy jarııalandy.
"Shekteý is-sharalaryn, onyń ishinde karantındi júzege asyrý qaǵıdalary "Halyq densaýlyǵy jáne densaýlyq saqtaý júıesi týraly" Qazaqstan Respýblıkasynyń 2020 jylǵy 7 shildedegi Kodeksine sáıkes ázirlendi", - delingen qaýly jobasynda.
Shekteý is-sharalary, onyń ishinde karantındi júzege asyrý qaǵıdalary ınfeksııalyq aýrýlardyń shetelden Qazaqstan aýmaǵyna ákeliný qaýpi kezinde, Respýblıkada, Qazaqstannyń jekelegen aýmaqtarynda jáne obektilerinde ınfeksııalyq aýrýlar jaǵdaılary týyndaǵan kezde shekteý is-sharalaryn, onyń ishinde karantındi júzege asyrý tártibin aıqyndaıdy.
Shekteý is-sharalary, onyń ishinde karantın Qazaqstan Respýblıkasynyń bas memlekettik sanıtarııalyq dárigeriniń nemese tıisti ákimshilik-aýmaqtyq birliktiń (kóliktegi) bas memlekettik sanıtarııalyq dárigeriniń qaýlysymen, sondaı-aq ózge de memlekettik organdardyń vedomstvolyq obektilerinde halyqtyń sanıtarııalyq-epıdemıologııalyq salamattylyǵy salasyndaǵy memlekettik organnyń qurylymdyq bólimsheleriniń bas memlekettik sanıtarııalyq dárigeriniń sheshimimen engiziledi (kúshin joıady).
Paıda bolý jáne taralý qaýpi tóngen kezde shekteý is-sharalary, onyń ishinde karantın engiziletin ınfeksııalyq aýrýlardyń tizbesi