D.Tramptyń aıtýynsha, AQSh-tyń koronavırýsqa qarsy vaksınasy qazan aıynda daıyn bolýy múmkin, dep habarlaıdy Egemen.kz. Bul týraly BBC NEWS agenttigi málimdedi.
Prezıdent Tramp "Eńbek kúnine" oraı sóılegen sózinde: "Vaksına rekordtyq merzimde ázirlenedi. Bul prosess – eki-úsh jylǵa sozylýy múmkin, alaıda biz ony óte qysqa merzimde jáne sapaly etip shyǵaramyz", deıdi Aq úı basshysy.
Onyń aıtýynsha, aldaǵy qazan aıynda ázirlenetin vaksına adam aǵzasyna qaýipsiz ári tıimdi.
AQSh-ta vaksınalardyń birazy synaqtan ótti. Olardyń kópshiligi Moderna bıotehnologııalyq kompanııasymen birlesip ázirlengen.
Úkimet tarapy Aýrýlardy baqylaý jáne aldyn alý ortalyqtaryna (CDC) koronavırýsqa qarsy vaksına qazan aıynyń sońyna nemese qarashanyń basyna deıin daıyn bolýyn mindettedi.
Keıbir aqparattar leginen bul Tramp ákimshiliginiń saılaýaldy baǵdarlamasyna engen kezekti qysymy kórinedi. COVID-19 vaksınasyn maquldaý úshin densaýlyq saqtaý salasynyń sheneýnikterine qysym jasady dep te aıyptalyp otyr.