Kúni keshe Aıagóz qalasynyń ákimi para alyp ustalǵan. Endi mine, qazyna qarjysy qymqyrylǵan. Shyǵys Qazaqstan oblysynda Ekonomıkalyq tergeý departamenti «Qazyna» jedel aldyn alý is-sharasyn júrgizip, bıýdjetten qarajat jymqyrý faktilerin anyqtady.
Qarjy monıtorıngi komıteti mamandarynynyń habarlaýynsha, Glýbokoe aýdanynda JShS dırektory azamattardy jumysqa ornalastyrý jáne jumys kúshi artyq óńirlerden jumys kúshi tapshy óńirlerge kóshirý boıynsha jalǵan derekter usynyp, 6,8 mln teńge somasynda bıýdjet aqshasyn urlaǵan. Shyndyǵyna kelgende baǵdarlamaǵa qatysýshylar is júzinde oblys aýmaǵynda turmaǵan.
Sonymen qatar Ulan aýdanynda 13,4 mln teńge somasynda aqsha urlaý faktisi anyqtaldy.
Joǵaryda kórsetilgen faktiler boıynsha Qylmystyq Kodekstiń 189-baby (senip tapsyrylǵan bóten múlikti ıemdený nemese talan-tarajǵa salý) jáne 190-baby (alaıaqtyq) boıynsha sotqa deıingi tergeý amaldary júrip jatyr.
Shyǵys Qazaqstan oblysy