Keshe Parıjde tennısshilerdiń «Úlken dýlyǵa» sanatyna jatatyn jarystarynyń biri – Fransııanyń ashyq birinshiligi bastaldy. Bul joly osy týrnırdiń júlde qory 38 000 000 dollardy qurap otyr.
Roland Garros dodasynda Qazaqstannyń bes tennısshisi óner kórsetýde. Atap aıtsaq álemniń 18 raketkasy Elena Rybakına alǵashqy aınalymda WTA tiziminde 86-orynda turǵan rýmynııalyq Sorana Kırstıamen, Iýlııa Pýtınseva (33 raketka) belgııalyq Krısten Flıpkenspen (79) baq synaıdy. Sonymen qatar Zarına Dıas (76) 2011 jylǵy jasóspirimder arasyndaǵy Roland Garros týrnıriniń júldegeri týnıstik Ý.Djabırmen kortqa shyǵady.
Al erler dodasynda álemniń 56-raketkasy Aleksandr Býblık ATR reıtınginde toǵyzynshy orynda turǵan fransııalyq Gael Monfıspen, Mıhaıl Kýkýshkın (87 raketka) ıtalııalyq Fabıo Fonınımen (15 raketka) kezdesedi.