Qurlyqtyq hokkeı lıgasynda (KHL) baq synaıtyn elordanyń «Barys» hokkeıshilerinen koronavırýs indeti tabylyp, eki aptaǵa karantınge jabylǵany belgili.
QHL basshylyǵy der kezinde shuǵyl sheshim qabyldap, «Barystyń» alty oıynyn belgisiz merzimge aýystyrǵan-dy. Elorda komandasynyń baspasóz qyzmeti búginde alty matchtyń tórteýiniń ýaqyty belgili bolǵanyn habarlady.
Atap aıtar bolsaq, syrt aıdynda ótetin «Sochıge» qarsy kezdesý 28 qazanǵa, «Kýnlýnmen» bolatyn oıyn 19 jeltoqsanǵa jáne «Metallýrgke» qarsy match 2021 jyldyń 3 aqpanyna josparlanǵan. Al 3 qarashada «Barys» elordada Rıganyń «Dınamosyn» qabyldaıdy.