Mańǵystaý oblysynda 11 qazan kúngi jaǵdaı boıynsha koronavırýs ınfeksııasymen aýyryp, karantındik stasıonarda jatqan naýqastardyń sany 57-ge jetti. Bul týraly Mańǵystaý oblysynyń Qoǵamdyq kommýnıkasııa ortalyǵy habarlady, dep jazady Egemen.kz
Aýrhanaǵa túsken naýqastyń 49-y koronavırýstyq pnevmonııamen aýyryp jatsa, qalǵan 8-i COVID-19 juqtyrǵan. Oblystyq densaýlyq saqtaý basqarmasynyń málimetinshe, jansaqtaý bóliminde 5 naýqas jatyr. Onyń ishinde 3 aýyr, 2 óte aýyr jaǵdaıda. Jansaqtaý bólimindegi naýqastardyń jaǵdaıy tynys alýynyń jetispeýshiligi men ilespe aýrýlardyń bolýynan. (SD, AG, hronıcheskıe sostoıanıe).
Oblys kóleminde 215 ınfeksııalyq I-II satyly tósek oryn bar. Sondaı-aq, reanımasııalyq tósek sany 43-ke deıin kóbeıtildi.
Anyqtamasyz shetelden kelgen Qazaqstan Respýblıkasynyń azamattary men shetel azamattaryna arnalǵan Aqtaý qalasynda 15, Jańaózen qalasynda 100, Qaraqııa aýdanynda 10, Beıneý aýdanynda 10 tósek oryndy karantındik stasıonarlar ashyldy.
Oblystaǵy stasıonarda jatqan naýqastardyń jaǵdaıy týraly málimet kún saıyn berilip otyrady.