Mańǵystaý oblystyq tabıǵı resýrstar jáne tabıǵat paıdalanýdy retteý basqarmasy basshysynyń orynbasary Esenqos Ádilbaev jáne tabıǵat paıdalanýdy retteý bóliminiń basshysy Dınara Eńsegen, oblystyq otbasy úlgisindegi balalar aýylyna baryp "Kaspıı ıtbalyǵyn birge saqtaıyq" sýretshiler baıqaýynyń júldegerleri men qatysýshylarǵa baǵaly syılyqtar tabystady, dep habarlaıdy Egemen.kz
Baıqaý qorytyndysy boıynsha Ádilet Berdibaı jeńimpaz dep tanyldy. Al Aleksandra jáne Vıoletta Korotkovalar ekinshi jáne úshinshi oryn buıyrdy. Uıymdastyrýshylar tarapynan, atap aıtqanda "Sý júıeleri bastamalary" qoǵamdyq qory noýtbýk, planshetter, uıaly telefondar, qulaqqaptar tabystalsa, buǵan deıin Mańǵystaý oblystyq tabıǵı resýrstar jáne Mańǵystaý oblystyq tabıǵat paıdalanýdy retteý basqarmasynyń basshysy Dúısen Qusbekov alǵys hattar, fýtbolkalar jáne beısbolkalar tabystaǵan bolatyn.
Jasóspirimder men balalardyń tabıǵatqa janashyrlyǵyn qalyptastyrý, sondaı-aq sýretke degen talantyn damyta túsý maqsatyndaǵy atalǵan sýretshiler baıqaýyna 18 tárbıelenýshi qatysty.