Mańǵystaý-1 aýylynyń 29 jastaǵy turǵyny, kópbalaly ana Gúlzııa Qoılyǵýlova nátıjeli jumyspen qamtýdy jáne jappaı kásipkerlikti damytý baǵdarlamasymen bıznes ıdeıasyn iske asyryp otyr, dep habarlaıdy Egemen.kz
Bastapqyda Gúlzııanyń oıy balalarǵa arnalǵan attraksıon ashý bolatyn. Alaıda bilim alý barysynda marketıngtik taldaý, suranys degen uǵymdardy úırenip, oıyn túbegeıli ózgertedi. Ol kúndelikti shyǵyny qaı nársege ketetinin anyqtaı kele, kir sabyn shyǵarý bıznesine toqtalǵan.
Qajetti qural jabdyqtaryn alyp, sabyndy shyǵaratyn jáne kesetin qurylǵylaryn satyp alady. Búginde Gúlzııa Atameken aýylynda ornalasqan kishigirim sehta kúnine 2000-ǵa jýyq kir sabyn shyǵaryp otyr. Kásip ıesi shıkizatty KFC, Barhan býrger, Kaspıı grıl tez tamaqtaný ortalyqtarmen birlesip kelisimshart negizinde alady. Daıyn ónimderin aýdannyń ortalyq bazaryna, qala sýpermarketterine jetkizedi..
"Meniń bir aıdaǵy taza tabysym 100 myńǵa deıin jetedi. Endigi jospar kir sabyndy keptiretin jáne syrtyn qaptap shyǵaratyn qurylǵylardy alǵym keledi. "Bastaý Bıznes" jobasy arqyly osyndaı erekshe kásiptiń ashylýyna septigin tıgizgenine rızamyn. Bilikti mamandarymyzdyń kásiptiń negizderine úıretip, baǵyt bergeni qýantady", dedi kásipker Gúlzııa Qoılyǵýlova.