29 qazanda saǵat 11.31-de Almaty oblysy TJ departamentine Almaty oblysy Uıǵyr aýdanynyń Shonjy aýylynda dárethana qaǵazyn shyǵaratyn sehta qaǵaz keptirýge arnalǵan qazandyqtyń jarylǵany jáne ishinara shatyrdyń qulaǵany týraly habarlama tústi. Oqıǵa ornynda órt bolǵan joq, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
QR TJM resmı ókili Talǵat Ýálıdiń aıtýynsha, apatty jaǵdaıdyń saldarynan 1983 jyly týǵan bir jumysshy qaıtys boldy (úıindiniń astynda qaldy, TJD kúshteri shyǵaryp aldy). Al 1999 jyly týǵan taǵy bir jumysshy túrli jaraqatpen Uıǵyr aýdanynyń ortalyq aýrýhanasyna jetkizildi.
Sehtyń aýdany 200 sharshy metrdi quraıdy. Apat ornynyń kólemi 25 sharshy metr. Sehtyń tóbesi shatyr túrinde jasalǵan, bir qabatty, profıldi jabyndymen jabylǵan, qabyrǵalary splıterlik blok.
Aldyn ala boljam boıynsha apatty jaǵdaı óndiris tehnologııasynyń buzylýy saldarynan oryn alǵan.