OSK Parlament Májilisiniń depýtaty Nurjan Áltaevtyń ókilettigi toqtatylǵanyn málim etti, dep habarlaıdy Egemen.kz
"Qazaqstan Respýblıkasy Konstıtýsııasynyń 52-babynyń 5-tarmaǵyna, "Qazaqstan Respýblıkasynyń Parlamenti jáne onyń depýtattarynyń mártebesi týraly" 1995 jylǵy 16 qazandaǵy Qazaqstan Respýblıkasy Konstıtýsııalyq Zańynyń 24-baby 7-tarmaǵynyń 1) tarmaqshasyna, 9-tarmaǵyna, Nur Otan partııasynyń 2020 jylǵy 30 qarashadaǵy № SQ-0101-20/4253 hatyna jáne Nur Otan partııasy Nur-Sultan qalasy fılıalynyń Saıası keńesi Bıýrosynyń 2020 jylǵy 30 qarashadaǵy № 1 qaýlysyna sáıkes Qazaqstan Respýblıkasy Ortalyq saılaý komıssııasy QAÝLY ETEDI:
Qazaqstan Respýblıkasy Parlamenti Májilisiniń depýtaty Nurjan Baýyrjanuly Áltaevtyń ókilettigi onyń Nur Otan partııasynyń qatarynan shyǵarylǵany týraly Nur Otan partııasy Nur-Sultan qalasy fılıalynyń Saıası keńesi Bıýrosynyń 2020 jylǵy 30 qarashadaǵy № 1 qaýlysyna baılanysty toqtatylsyn", - delingen sheshimde.
Eske salaıyq, Nurjan Áltaev byltyr 13 aqpanda Parlament Májilisiniń depýtaty bolǵan edi. Sol kezde Nurjan Áltaev Parlamenttiń tómengi palatasynyń agrarlyq máseleler komıtetiniń quramyna kirgen bolatyn.