Arqalyq qalasynyń tártip saqshylary 10 bala tárbıelep otyrǵan Mızamhanovtar otbasyna azyq-túlik pen balalardyń oqýyna qajet keńse quraldaryn tartý etti. Bul úıdegi balǵyndardyń bári mektep jasynda, dep jazady Egemen.kz
"Pandemııa bastalǵaly polısııa turǵyndarǵa quqyqtyq turǵydan ǵana emes, qoldan kelgenshe, materıaldyq jaǵynan da kómek qolyn sozýda. Bul bizdiń aınymas ustanymdarymyzdyń biri. Arqalyq qalasynyń tártip saqshylary únemi qaıyrymdylyq is-sharalaryna belsendi atsalysyp otyrady", deıdi Arqalyq qalasy polısııa basqarmasynyń bastyǵy Nurbol Saden.
Azyq-túlik toly dorba arqalaǵan tártip saqshylary keshe úsh úıge bas suqty. Tosyn tartý alyp, kóńili jadyrap qalǵan kóp balaly analar polısııa qyzmetkerlerine alǵys bildirip jatty.
"Búgin qalalyq polısııa basqarmasynyń qyzmetkerleri úıimizge kelip, azyq-túlik pen mektepke qajetti barlyq qural-jabdyqty tabystady. Osyndaı qıyn kezde qolda barymen bólisý, qoldaý berý – naǵyz elshildiktiń belgisi dep bilemin. Balalarymdy qýanyshqa bólegen polıseılerdiń jumysyna tabys, otbasylaryna amandyq pen bereke tileımin", dedi Mızhanovtar áýletiniń otanasy.