Parlament Májilisindegi eń jas depýtat Mádı Ahmetovty qazaqstandyqtar synǵa alyp jatyr. Osyǵan oraı ol eldiń synyna jaýap berdi, dep habarlaıdy Egemen.kz
«Sol jınalysta zalda jastar toby otyrdy, almatylyq jastar da, jasotandyqtar da boldy. Men olardyń atynan sóıledim. Sol kezde men "Jas Otannyń" tóraǵasy qyzmetinde bolǵan edim. Sondyqtan bul maǵan osy jastardyń atynan sóıleýge múmkindik beredi. Meni búkil Qazaqstan atynan sóıledi degeni tym asyra aıtylǵan», deıdi Ahmetov.
Osy rette jas depýtat oǵan osy qyzmetke kelýge bireýdiń kómekteskeni týraly pikirge jaýap berdi.
«Men ol jaqqa qandaı da bir bıznes-jobalar nemese qandaı da bir zańdy alǵa tartyp, ony damytý úshin barmaımyn. Meni "aǵa" nemese "kóke" qoldamaıdy. Bul zor jaýapkershilik. Men ol úshin bar bilimim men kúshimdi salamyn. Nur Otan partııasynda men eń jas depýtatpyn, biraq meniń 30 jasqa deıingi áriptesterim bar. Mysaly, Ernur Beısenbaev, Vera Kım jáne basqalar. Biz bir-birimizdi qoldaımyz dep úmittenemin. Stereotıpti ózgertý kerek. Sodan keıin biz «jastarǵa jol» deımiz, al jastar kelgende «ol tym jas» dep bastaımyz», deıdi depýtat.
Mádı Ahmetov jańa laýazymda qazaqstandyq jastardyń máselelerimen aınalysýdy josparlap otyr eken.