Mańǵystaý aýylyndaǵy Besshoqy turǵyn úı massıvinen ashylǵan «Asqar» un-jarma kombınaty 1 jylda 14 myń tonna un, 6 myń tonna kebek shyǵarady. Bul týraly Munaıly aýdany ákimdiginiń baspasóz qyzmeti habarlaıdy.
«Un óz óńirimizde óndirilsin, nanymyz kóp bolsyn degen nıetpen kásip ashqan bolatynbyz. Memlekettik jáne óńirlik baǵdarlamalar aıasynda jeńildetilgen nesıe alyp, qural-jabdyqtar satyp aldyq. Munda 70-ten astam qyzmetker eńbek etedi. Bıdaı Soltústik Qazaqstan oblysy men Qostanaı qalasynan tasylmaldanady. Ákelingen daqyldardan un, kebek daıyndalyp, suryptalyp, tazalanyp, qaptalyp naryqqa shyǵarylady» kásipker Aqjibek Berdibekova.
Qazirgi ýaqytta kombınatta unnyń 3 túri óndiriledi. Zaýyt ashylǵaly oblys qajettiligin qamtyp keledi. Otandyq ónimge kórshi elderden de suranys bar.