Nur-Sultanda 1-8 aqpan aralyǵynda vaksınasııalaýǵa josparlanǵan 916 medısına qyzmetkeriniń 719-y nemese 78% astamy egildi. Bul týraly Ortalyq kommýnıkasııalar qyzmetinde ótken brıfıngte elordanyń qoǵamdyq densaýlyq saqtaý basqarmasynyń basshysy Tımýr Muratov málimdedi.
«Basqarý qoımasynda KVI vaksınasynyń 1 531 dozasy bar. Vaksınalaý josplarnǵan 916 adamnyń 719 egildi. Aıta keteıin, vaksınasııalaý erikti negizde jáne halyqtyń habardar etilgen kelisimi boıynsha júrgiziledi. Eshkim eshkimdi májbúrlemeıdi. Jalpy alǵanda, MSAK-tyń 36 uıymynda COVID-19-ǵa qarsy vaksınasııalaý josparlanǵan 36 egý kabıneti jumys isteıdi. Egý pýnktteri barlyq qajetti zattarmen qamtamasyz etilgen jáne sanıtarlyq talaptarǵa sáıkes keledi», - dep atap ótti basqarma basshysy.
Sonymen qatar, 36 jyljymaly brıgada, COVID-19-ǵa qarsy vaksınasııa júrgizýge jáne qaldyqtardy kádege jaratýǵa jaýapty adamdar anyqtaldy. BMSK uıymdarynda 80-nen astam fıltr kabıneti bar. Emhanaǵa kire beriste baılanyssyz termometrııa, qoldy sanıtaızerlermen óńdeý mindetti túrde júrgiziledi jáne pasıentterde maskalardyń mindetti túrde bolýy tekseriledi. KVI sımptomdarynyń bolýyna saýalnama júrgiziledi.
«Qoımada dıapazony -18-25°S, árqaısysynyń kólemi 360 lıtr bolatyn 4 tońazytqysh jabdyǵy bar. BMSK uıymdarynda muzdatqysh kameralar (-18°S) – 20 dana, 2021 jylǵy 19 qańtarda qosymsha 22 muzdatqysh kamera jetkiziledi dep kútilýde, sondaı-aq vaksınalardy tasymaldaý úshin 82 termokonteıner birligi bar. Sonymen qatar, sanepıdbaqylaý departamenti egý kabınetteriniń daıyndyǵyna, vaksınasııa júrgizýge, sýyq tizbekti qamtamasyz etý úshin jaǵdaılardyń bolýyna monıtorıngti jalǵastyrady», - dep atap ótti T.Muratov.