Májilis depýtattary Halyqaralyq ister, qorǵanys jáne qaýipsizdik komıtetiniń tóraǵasy A.Quspan Konrad Adenaýer atyndaǵy qordyń Qazaqstandaǵy ókili Iohannes Raı myrzamen kezdesti, dep habarlaıdy Egemen.kz.
Kezdesý barysynda A.Quspan Qazaqstan men Germanııa arasyndaǵy qarym-qatynastar saıası jáne ekonomıkalyq ózara is-qımyldyń berik irgetasyna negizdelgenin atap ótti.
Sondaı-aq Memleket Basshysy Q.K.Toqaevtyń Germanııaǵa sapary jáne Germanııa Federatıvtik Respýblıkasy basshylyǵymen kelissózderi qalyptasqan senimdi dıalogty jalǵastyrýǵa, taıaý jyldardaǵy yntymaqtastyqtyń áleýetti baǵyttaryn anyqtaýǵa múmkindik bergenin alǵa tartty.
Depýtattar Qazaqstanda Eýropalyq Odaqtaǵy bizdiń negizgi áriptesimiz - Germanııamen yntymaqtastyqty damytýǵa úlken mán berilgenine, Germanııa Qazaqstannyń táýelsizdigin moıyndaǵan jáne bizben dıplomatııalyq qarym-qatynas ornatqan alǵashqy elderdiń biri ekenine toqtaldy.
Is-sharada kóppartııalylyq júıede depýtattardyń zań shyǵarý salasynda tájirıbe almasýyn jolǵa qoıý, fraksııalardyń qyzmetin zerdeleý, sondaı-aq Qazaqstan men Germanııa arasyndaǵy yntymaqtastyqty odan ári nyǵaıtý týraly aıtyldy.