Mańǵystaý oblysy qoǵamdyq kommýnıkasııalar ortalyǵynda ótken brıfıngte óńirdiń sanıtarııalyq-epıdemııalyq baqylaý departamentiniń basshysy Ǵazız Nadýev Mańǵystaý oblysyna vaksınalaý bastalǵannan beri 8 myń dana ekpe jetkizilgenin málim etti, dep habarlaıdy Egemen.kz
Búgingi tańda óńirde 16 egý pýnktinde 7 kabınet jumys istep tur.
«Spýtnık-V» vaksınasynyń birinshi komponentiniń 4500 dozasy jáne «Spýtnık-V» vaksınasynyń 2 komponentiniń 3500 dozasy – 18 gradýsta barlyq saqtyq rejımin saqtaı otyryp, oblysqa jetkizildi», dedi Ǵazız Nadýev. Búgingi tańda Mańǵystaý oblysynda vaksınasııalanǵan adamdardyń sany – 2155.
«Qazirgi kúni koronavırýsqa qarsy 1 komponentpen 1625 adam, 2 komponentpen 530 adam vaksınasııalandy. Aıta ketý kerek, Qazaqstanda vaksınasııadan bas tartqany úshin ákimshilik nemese qylmystyq jaýapkershilik qarastyrylmaǵan», dedi Mańǵystaý oblysy sanıtarlyq-epıdemıologııalyq baqylaý departamentiniń basshysy Ǵazız Nadýev.
Ǵazız Nadýevtiń aıtýynsha, ımmýndaýdan keıingi asqynýlar men reaksııalar tirkelgen joq. 2021 jyldyń ekinshi toqsanynan bastap otandyq «QazCovid-In» preparatymen vaksınalaý josparlanǵan.