Vedomstvoaralyq keńestiń koronavırýstyq ınfeksııanyń taralýyna jol bermeý jónindegi sheshimine jáne Bas memlekettik sanıtarlyq dárigerdiń qaýlysyna sáıkes IV toqsanda mektep oqýshylaryn oqytý formaty óńirdegi epıdemııalyq jaǵdaıǵa baılanysty bolmaq, dep habarlaıdy Egemen.kz BǴM baspasóz qyzmetine silteme jasap.
Mınıstrlik málimetine sáıkes, jasyl jáne sary aımaqtarda ornalasqan óńirlerde barlyq oqýshy aralas oqytý formatyna kóshedi.
Qyzyl aımaqta ornalasqan óńirlerde 1-5 synyptar, 9, 11 (12) synyptar úshin, sondaı-aq halyqaralyq mektepterdiń 1-7 synyptary úshin oqytýdyń aralas formaty saqtalady, al 6, 7, 8, 10 synyptar qashyqtan oqytylady.