Almatyda bir táýlikte 3504 adam koronavırýs vaksınasyn saldyrdy, dep habarlaıdy Egemen.kz
«3 mamyr kúni 3504 almatylyq vaksına saldyrdy. Sonymen qatar, 25 naýryzdan beri 2 484 adam QazVac vaksınasyn aldy», dep habarlady qalalyq Qoǵamdyq densaýlyq saqtaý basqarmasynyń baspasóz qyzmetinen.
Bıylǵy jyldyń 1 aqpany men 4 mamyr aralyǵynda qalada barlyǵy 226 258 adamǵa ekpe salyndy. «Spýtnık-V» vaksınasynyń 2 komponentin 28 066 adam aldy.
Búgingi kúni qalada 211 pýnkt jumys istep tur. 1 809 adamnan turatyn 402 egý brıgadasy bar. Sonymen qatar, 40 kóshpeli mobıldi brıgada uıymdastyryldy.