Túrkııada júrgen sheteldik saıahatshylarǵa komendanttyq saǵatty saqtamaýǵa jáne tólqujaty bolsa, el ishinde júrýge ruqsat etildi, dep habarlaıdy Egemen.kz.
Túrkııanyń mádenıet jáne týrızm mınıstri Mehmet Nýrı Ersoı sheteldik týrıster táýlik boıy komendanttyq saǵattan bosatylǵanyn aıtty. Endi olar tólqujatymen birge el ishinde erkin júre alady. Túrkııada lokdaýn koronavırýs juqtyrǵandardyń kóbeıýine baılanysty 17 mamyrǵa deıin jalǵasady.
Qoǵamdyq kóliktiń 50 paıyzy jumys isteıdi. Saıahatshylar toǵyz qaladaǵy negizgi murajaılar men tarıhı oryndarǵa, sonyń ishinde Ystambul, Antalııa, Mýgla jáne Nevshehırge (Kapadokııa) bara alady. Qazir qonaq úılerdegi dámhanalar men meıramhanalar kelýshilerge qyzmet kórsetip jatyr, al basqa tamaqtaný oryndary tek jetkizý jáne alyp ketý úshin jumys isteıdi.