Eýropanyń birqatar elinde karantın sharalary jeńildep, qalypty ómirge orala bastady, dep habarlaıdy Egemen.kz.
Ulybrıtanııa birtindep qalypty ómirge orala bastady. Elde 17 mamyrdan bastap pabtar, barlar men meıramhanalar klıentterge tek terrassalarda ǵana emes, sondaı-aq jabyq nysandarda da kelýshilerdi qabyldaı alady. Ashyq aýada 30 adamǵa deıin top bolyp jınalýǵa ruqsat etiledi. Kınoteatrlar jumysyn qaıta bastaıdy.⠀
Irlandııa bıliginiń jospary boıynsha respýblıkanyń myńdaǵan azamattary uzaq merzimdik oqshaýlanýdan keıin jumys ornyna oralady. Dúkender, mádenı mekemeler, murajaılar kezeń-kezeńimen ashylady. Bılik bul jeńildikter halyqqa jańa serpin beredi dep úmittenedi.⠀
Italııanyń barlyq óńiri ınfeksııany juqtyrý deńgeıi tómen «sary» aımaqta ornalasqan. Italııanyń birqatar aımaǵynda karantındik shekteýler jeńildetildi. Al Sısılııa, Sardınııa jáne Valle-d'Aosta turǵyndary úshin qatań karantın rejımi áli bir aptadaı saqtalady.
Danııalyqtar jappaı testileý pýnkterinde koronavırýstyń bar-joǵyn anyqtaý úshin tekserilip jatyr. Bılik tańdaǵan strategııaǵa sáıkes bul prosess karantın talaptaryn jeńildetýmen qatar júrgiziledi. PTR anyqtamasy jáne ekpe alǵandyǵy týraly sertıfıkattyń bolýy jergilikti meıramhanalarǵa, sport zaldaryna, kıonteatrlar men jumysyna barýǵa jáne ózge de mekemelerge esh kedergisiz kirýge múmkindik beredi.