Mańǵystaýǵa Túrikmenstannan 256 qandas qonys aýdardy, dep habarlaıdy Egemen.kz.
О́tken jyly elimizge Túrkmenstannan 1025 qandasymyz qonys aýdarǵan edi.
Tarıhı Otanyna oralýǵa nıet bildirgen qandastardyń vızalyq qujattary tolyq daıyn jáne olardyń COVID-19 indetine qatysty tıisti PTR testileýdiń anyqtamalary bar.
Aldaǵy ýaqytta qandastar ózderiniń qalaýy boıynsha elimizdiń kez kelgen óńirine qonystana alady.
Elge kelgen qandastar soltústik óńirlerge qonys aýdarǵan jaǵdaıda olar arnaıy óńirlik kvotalarmen qamtylady.
Arnaıy poıyz 12 mamyrda «Túrikmenbashy» stansııasynan shyǵyp 13 mamyrda saǵat 12:00-de «Bolashaq» stansııasyna, odan ári «Jańaózen» stansııasyna keldi.
El táýelsizdik alǵannan keıin elbasy N.Nazarbaevtyń bastamasymen sheteldegi qandastarymyzdy elge kóshirý týraly qaýly qabyldandy. Sodan beri Qazaqstanǵa 1 mıllıon 70 myń qandas oraldy. Memleket tarapynan etnıkalyq qazaqtardyń elge oralýyna qolaıly jaǵdaı jasalady.