Oqys oqıǵa Talǵar aýdany Besaǵash aýylynda bolǵan. Oqýshy bala «Nurııa» turǵyn úı kesheniniń 9 qabatynan qulap ketken, dep habarlaıdy Egemen.kz.
Marqum qurylysy tolyq aıaqtalmaǵan kópqabatty úıdiń tóbesine shyǵyp oınaǵan.
«Eki qabyrǵanyń arasynda sańylaý juqa qańyltyrmen jabylǵan. Qabyrǵalar arasyndaǵy qashyqtyq shamamen 20-30 sm jáne osy paraqqa basyp, bala úıler arasyndaǵy sańylaýǵa túsip ketken», dedi Almaty oblysy Talǵar aýdany ákimdiginiń baspasóz qyzmeti.
Oqıǵa 24 mamyr kúni kúndiz bolǵan. Kýágerlerdiń sózinshe bala armatýraǵa qadalyp qalǵan kórinedi. Aýdan ákimi Qaıdar Abdyhanov oqıǵa ornyna baryp, tıisti qaýipsizdik sharalaryn qamtamasyz etýdi tapsyrdy. Qaıǵyly jaǵdaı boıynsha tekseris bastaldy.