Almaty oblysynyń ákimi Amandyq Batalov BAQ ókilderiniń «Zeınet demalysyna shyǵýǵa daıynsyz ba?» degen suraǵyna jaýap berdi, dep habarlaıdy Egemen.kz.
«Maǵan osy suraq jıi qoıylady. Memleket basshysy ákimdik laýazymdy maǵan senip tapsyrdy. Oǵan meniń kúshim de, densaýlyǵym da jetedi. «Erteń saǵat 12-de jumystan ketesiń» dese, men sol 12-ge deıin mindetimdi adal ári jaýapty túrde atqaramyn, halyq úshin jumys isteımin jáne Memleket basshysynyń tapsyrmalaryn oryndaımyn. Al erteń ketemin be, arǵy kúni me, bir jyldan keıin be, kerek adam ózi oılanyp, boljamyn jasaı bersin», dep jaýap berdi oblys basshysy OKQ-daǵy brıfıngte.
Eske salaıyq, Amandyq Batalov 1952 jyldyń 22 qarashasynda dúnıege kelgen. Bıyl 69 jasqa tolady.