Atyraýda 22 jastaǵy qala turǵyny psıhotropty dári-dármek satqany anyqtaldy, dep habarlaıdy Egemen.kz Polisia.kz saıtyna silteme jasap.
Atyraý oblysy aýmaǵynda psıhotroptyq preparattardy satýmen aınalysqan azamat «Dármek» jedel-aldyn alý is sharasy kezinde anyqtalǵan. Tekserý barysynda 1999 jyly týǵan azamattan 58 dana tramadol jáne 31 dana trapıkamed dári-dármekteri alyndy.
Qazirgi ýaqytta, atalǵan adamǵa qatysty QR ÁQBtK-niń 426 babymen (Farmasevtıkalyq qyzmettiń jáne dárilik zattardyń, medısınalyq maqsattaǵy buıymdar men medısınalyq tehnıkalyq aınalysy salasynyń qaǵıdalaryn buzý) faktisi boıynsha QR Densaýlyq saqtaý mınıstrligi Medısınalyq jáne farmasevtıkalyq baqylaý komıtetiniń Atyraý oblysy boıynsha departamentine sheshim qabyldaý úshin is-qujattar joldandy.
– Atyraý oblysy aýmaǵynda ótken «Dármek» jedel aldyn alý is-sharasy kezinde barlyǵy bes ákimshilik quqyqbuzýshylyq (QR ÁQBtK-niń 427-baby 1-bólimimen – eki, QR ÁQBtK 464-baby 1-bóligimen – bir, QR ÁQBtK 426-baby 1-bóligimen – eki) jáne alty qylmystyq, ıaǵnı (QR QK 297-baby 1-bóligimen – tórt, QR QK 296-baby 4-bóligimen – bir, QR QK 296-baby 2-bóligimen – eki) quqyqbuzýshylyq anyqtaldy. Sonymen qatar eki medısına qyzmetkerinen tramadol 69 tropıkamed dárilik preparatynyń 1 280 tabletkasy alynyp, olardy ákimshilik jaýapkershilikke tartý úshin jınaqtalǵan is-qujattar Atyraý oblysy Jergilikti polısııa qyzmeti basqarmasyna, oblystyq Medısınalyq jáne farmasevtıkalyq baqylaý komıtetiniń departamentine jiberildi, – dedi Atyraý oblysy Polısııa departamentiniń bastyǵy Qamza Úmbetqalıev.