Pavlodar oblysynyń ortalyǵyndaǵy Dostyq úıinde saıası qýǵyn-súrgin qurbandaryn aqtaý máseleleri jónindegi óńirlik komıssııanyń otyrysy ótti, dep habarlaıdy Egemen.kz óńirlik baspasóz qyzmetine silteme jasap.
QHA Pavlodar oblystyq fılıalynyń málimeti boıynsha, óńirlik komıssııa músheleri men onyń jumys toptary jazyqsyz qurbandardy aqtaý máselelerin talqylady. О́ńirlik komıssııa tóraıymy – oblys ákiminiń orynbasary Aızada Qurmanova birinshi otyrysta berilgen tapsyrmalardyń oryndalýyna sáıkes, tarıhshy ǵalymdar, muraǵatshylar jáne ólketanýshylar engizilgen bes baǵyt boıynsha jumys toptary qurylǵanyn atap ótti.
«Basty mindet – jazyqsyz qýǵyn-súrginge ushyraǵan azamattardyń esimderin anyqtap, olar týraly egjeı-tegjeıli aqparat jınaý. Zertteý jumystrynyń qorytyndylary boıynsha materıaldar óńirlik komıssııanyń qaraýyna engiziletin bolady», dedi Aızada Qurmanova.О́ńirlik komıssııa múshesi, aqyn, ólketanýshy, «Aqbettaý» jýrnalynyń shyǵarýshy redaktory Saılaý Baıbosynnyń aıtýynsha, qýǵyn-súrginge ushyraǵan kóptegen qoǵam qaıratkeriniń esimderi umytylyp barady.
«Osyndaı saıası qaıratkerlerdiń biri – jerlesimiz Rahymjan Jamanqulov. Ol Baıanaýyl aýdanynda dúnıege kelgen. Pavlodar pedtehnıkýmyn bitirgen. О́tken ǵasyrdyń 30-jyldary «Sosıalıstik Qazaqstan» gazeti redaktorynyń orynbasary qyzmetin atqardy. Tutqynǵa alynyp, atý jazasyna kesilgenge deıin «Ońtústik Qazaqstan» gazetiniń redaktory bolyp qyzmet etken», dedi Saılaý Baıbosyn.
Aızada Qurmanova ádisnamaǵa sáıkes jumys toptarynyń birinshi kezektegi mindeti aqtalmaǵan qýǵyn-súrginge ushyraǵan azamattardyń esimderin anyqtaý bolyp tabylatynyna nazar aýdardy.
«Osy maqsatta oblystyń arnaıy organdarynyń vedomstvolyq muraǵattarynda jumys júrgizý úshin jumys toptarynyń bes múshesine №2 nysan boıynsha ruqsatnama resimdeldi. Olar repressııalar týraly isterdiń jabyq qorlarymen jumys isteıtin bolady. Zertteý jumystarynyń qorytyndylary boıynsha barlyq materıaldar men jumys toptarynyń qorytyndylary memlekettik komıssııanyń qaraýyna beriletin bolady», dedi óńirlik komıssııa tóraıymy.
Otyrys qorytyndysy boıynsha óńir basshysynyń orynbasary jumys toptarynyń múshelerine ótken ǵasyrdyń 30-jyldaryndaǵy saıası qýǵyn-súrginder men ashtyqqa baılanysty Pavlodar oblysynyń tarıhı estelikter oryndaryna keshendi ekspedısııa jumysyn jalǵastyrýdy jáne zertteý jumystarynyń materıaldaryn óńirlik komıssııanyń qaraýyna engizýdi tapsyrdy.Mádenıet, tilderdi damytý jáne arhıv isi basqarmasyna «ERTIS» mýltımedııalyq murajaıynda saıası qýǵyn-súrginge baılanysty oqıǵalardy beıneleıtin ekspozısııa zalynyń tujyrymdamasyn ázirleý tapsyryldy.