QR Saýda jáne ıntegrasııa mınıstri Baqyt Sultanov elektrondy kommersııada quqyq qorǵaýdy jetildirý týraly aıtty, dep habarlady Egemen.kz.
«Pandemııa elektrondy kommersııada quqyqtardy qorǵaýdy jetildirý qajetiligin kórsetti. Tek 2020 jyly mınıstrlikke ınternet-dúkender men onlaın qyzmetke baılanysty 689 adam júgindi. Qabyldanǵan sharalar nátıjesinde 13,2 mln teńge qaıtaryldy», dedi B.Sultanov onlaın rejımde halyq aldynda esep berýi kezinde.
Onyń aıtýynsha, 2021 jyldyń bes aıynda 556 adam júgingen, olarǵa 7 mln teńge qaıtaryldy.
«Osyǵan baılanysty tujyrymdama jobasynda bólek bólim qarastyrylǵan. Onda elektrondy saýda tutynýshylarynyń quqyqtaryn qorǵaýdy kúsheıtý tetikteri eskerilgen. Osy oraıda elektrondy saýda qatysýshylarynyń quqyqtary men mindetteri naqty aıqyndalady», dedi mınıstr.
Osy oraıda ol atalǵan tujyrymda jobasyn talqylaýǵa qatysýǵa shaqyrdy, qujat mınıstrlik saıtynda ornalastyrylǵan.