Germanııa kansleri Angela Merkel koronavırýsqa qarsy Moderna vaksınasynyń ekinshi dozasyn saldyrdy, jospar boıynsha ol AstraZeneca saldyrýy tıis bolǵan, dep habarlaıdy Egemen.kz.
Aldyn ala málimetke sáıkes, ekinshi doza úshin ózge vaksınany tańdaýǵa Robert Koh atyndaǵy vırýsologııa ınstıtýtynyń vaksınasııa jónindegi turaqty komıssııasynyń (Stiko) AstraZeneca vaksınasyn 60 jastan asqandarǵa salmaý týraly bergen keńesine baılanysty bolýy múmkin. Komıssııa vaksınanyń birinshi dozasyn saldyryp qoıǵandarǵa Moderna-ǵa kóshýdi usynǵan.
Sarapshylardyń aıtýynsha, 66 jastaǵy kansler buǵan deıingi zertteýlerdiń bir ekpeniń jáne bir óndirýshiniń eki dozasyn saldyrǵannan góri, AstraZeneca men ózge vaksınany aralastyrýdyń tıimdiligin kórsetkenin bilgen.
Qazirgi tańda Germanııada 67 mıllıon adamǵa COVID-19-ǵa qarsy vaksına salynǵan, olardyń arasynda kemi 42,5 mıllıon adamǵa birinshi doza salynǵan.
Aıta keteıik, kansler eýropalyq elderdiń birazy bas tartyp, shekteý qoısa da 16 sáýirde AstraZeneca vaksınasynyń birinshi dozasyn saldyrǵan. Vaksınany qoldanýǵa tyıym salý úshin birqatar negiz boldy, atap aıtqanda trombtardyń túzilýi, allergııalyq áser jáne taǵy da basqa. Alaıda DDSU men EMA usynymyna sáıkes birqatar elde qaıta salyna bastady.