Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarııalaý týraly jarlyǵy jarııalandy, dep habarlaıdy Egemen.kz Aqordaǵa silteme jasap.
Eldiń áleýmettik-ekonomıkalyq jáne qoǵamdyq-saıası damýyn aqparattyq turǵydan qamtamasyz etý isindegi buqaralyq aqparat quraldarynyń eleýli rólin eskere otyryp, Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtaryn berý, granttaryn tapsyrý jáne Alǵysyn jarııalaý jónindegi qoǵamdyq komıssııanyń usynymyn qaraı kelip:
Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtary:
Zaharchýk Vera Nıkolaevnaǵa – «Habar 24» telearnasynyń jańalyqtar bóliminiń júrgizýshisine, otandyq telejýrnalıstıkany damytýǵa qosqan úlesi úshin;
Isabaeva Sáýle Borısqyzyna – «Qmonitor.kz» jelilik basylymynyń sholýshysyna, ınternet keńistiginde aqparat taratý isin damytýǵa qosqan úlesi úshin;
Qutpanbaev Baqyt Jaǵyparulyna – «Qazaq» jáne «Shalqar» radıolarynyń Almaty stýdııasynyń jetekshisine, Qazaqstannyń óńirlik saıasatyn aqparattyq turǵydan qamtamasyz etýge qosqan úlesi úshin;
Oıshybaeva Jannat Baqtyǵulqyzyna – «Qazaqstan temir joly» ulttyq kompanııasy» aksıonerlik qoǵamynyń BAQ-pen jumys departamentiniń bas menedjerine, Qazaqstan damýynyń ózekti máselelerin qamtyǵan aqparattyq-taldamalyq qyzmeti úshin berilsin;
Qazaqstan Respýblıkasy Prezıdentiniń buqaralyq aqparat quraldary salasyndaǵy granttary:
Baıǵaraev Nurmuhamed Ismanulyna – «AIQYN» respýblıkalyq qoǵamdyq-saıası gazetiniń bas redaktoryna, baspa buqaralyq aqparat quraldaryn damytýǵa qosqan eleýli úlesi úshin;
Nuraqyn Dıas Ermekulyna – «KTK» telearnasynyń aqparattyq baǵdarlamalar dıreksııasy ortalyq redaksııasynyń redaktoryna, Qazaqstan televızııasyn damytýǵa qosqan úlesi úshin;
Tolyqbaev Maqsat Málikulyna – «QAZAQSTAN» ulttyq telearnasy «Ashyq alań» qoǵamdyq-saıası tok-shoýynyń júrgizýshisine, Qazaqstan Respýblıkasy Prezıdentiniń qyzmetin belsendi túrde jan-jaqty túsindirip, jarııalap-kórsetkeni úshin;
Hasanov Serikbol Tilepbergenulyna – «Munara» gazetiniń bas redaktoryna, Qazaqstan jýrnalıstıkasyn jáne ulttyq buqaralyq aqparat quraldaryn damytýǵa qosqan eleýli úlesi úshin tapsyrylsyn;
Qazaqstan Respýblıkasy Prezıdentiniń buqaralyq aqparat quraldary salasyndaǵy Alǵysy:
«Aqıqat» ulttyq qoǵamdyq-saıası jýrnalynyń shyǵarmashylyq ujymyna – elimizdiń buqaralyq aqparat quraldaryn damytýǵa qosqan eleýli úlesi úshin; «Vechernıı Almaty» gazetiniń shyǵarmashylyq ujymyna – qoǵamdyq-saıası, áleýmettik-ekonomıkalyq jáne mádenı-gýmanıtarlyq salalardyń damýyn aqparattyq turǵydan qamtamasyz etýge qosqan zor úlesi úshin;
«Qazaq radıolary» jaýapkershiligi shekteýli seriktestiginiń shyǵarmashylyq ujymyna – ulttyq radıo salasyn damytýǵa qosqan eleýli úlesi úshin;
«Saryarqa» telearnasynyń shyǵarmashylyq ujymyna – óńirlik jýrnalıstıkany damytýǵa qosqan úlesi úshin jarııalansyn.
Osy ókim buqaralyq aqparat quraldarynda jarııalansyn.
Qazaqstan Respýblıkasynyń Prezıdenti Q.Toqaev
Nur-Sultan, Aqorda, 2021 jylǵy 25 maýsym
№ 195