Eýropadaǵy epıdemııalyq kórsetkishter taǵy da nasharlaı bastady. Bul Úndistanda anyqtalǵan «delta» shtamyna baılanysty, dep habarlaıdy Egemen.kz.
Resmı málimetter boıynsha, Reseıde maýsym aıynda koronavırýs juqtyrý deregi 40 paıyzǵa, 375 myńǵa deıin artqan. Olardyń basym bóliginen «delta» shtamy anyqtalǵan. Ulybrıtanııada da jaǵdaı osyǵan uqsas, onda qazir 100 myńǵa jýyq adam emdelip jatyr.
Eýropa elderi úshin ınfeksııanyń jańa shtamy jańa shekteýlerge negiz bolady. Mysaly, vırýstyń «delta» nusqasynyń taralýyn toqtatý úshin Germanııa Portýgalııadan kelgenderge eki aptalyq karantın engizedi. Eýrokomıssııa mundaı sheshimderdi kelisip engizýge shaqyrdy.
«Kez kelgen tótenshe sheshim týraly Eýrokomıssııany jáne odaqtyń basqa elderin múmkindiginshe tezirek habardar etý mańyzdy. EO-ǵa múshe memleketter saıahatqa tyıym salmaı qatań sharalardy engizý týraly kelisilgen usynystardy ustanýy kerek. Germanııanyń sheshimderi buǵan tolyq sáıkes kelmeıtin tárizdi», dedi Eýropalyq komıssııanyń resmı ókili Krıstıan Vıgand.