Aqtóbe ferroqorytpa zaýyty men Dóń ken-baıytý kombınatynyń jumysshylary vaksına qabyldap jatyr, dep habarlaıdy Egemen.kz.
Aqtóbelik metallýrgter kún saıyn vaksına qabyldap jatyr. 4 myńnan asa adam jumys isteıtin Aqtóbe ferroqorytpa zaýytynda qyzmetkerlerdiń 40,6% nemese 1676 adam alǵashqy kompenentti alsa, ekinshi komponentti 27,4% nemese 1132 adam qabyldady. Al Dóń ken-baıytý kombınatynda alǵashqy komponentti 10,1% nemese 720 adam saldyrdy, ekinshisin – 5,8% nemese 414 adam aldy.
Aqtóbe ferroqorytpa zaýytynyń birinshi balqytý sehynda rekordtyq kórsetkishke qol jetkizdi. Munda qyzmetkerdiń 77% vaksına alǵan. Aqtóbe ferroqorytpa zaýytyndaǵy jaqsy kórsetkish óz nátıjesin berip jatyr. Munda koronavırýs juqtyrǵandar sany tómendedi.
«COVID-19-ǵa qarsy vaksına alý nemese almaý – bul árkimniń jeke sharýasy. Biraq zaýyt qyzmetkerleriniń bul máselege jaýapkershilikpen qarap, ekpe alyp jatqandaryna rızamyn. Árkim óziniń jáne jaqyndarynyń densaýlyǵyna jaýapty. Muny esten shyǵarmaǵan jón», deıdi «Qazhrom» TUK» AQ prezıdenti Arman Esenjolov.
Jumysshylar medısına ortalyǵynda jáne zaýyt aýmaǵyndaǵy medısına bólmesinde vaksına alyp júr.
Sondaı-aq kompanııa basshylyǵy 22-maýsymnan bastap ekpe alǵan qyzmetkerlerdiń eńbek demalysyna 1 kún qosýǵa sheshim qabyldady. Medısına ortalyǵynyń qyzmetkerleri turaqty túrde sehtardy aralap, ujymdarymen kezdesedi, ekpe alýdyń qajettiligi men syrqattyń saldary týraly aıtyp túsindirýde.