Nur Otan partııasynyń Partııalyq baqylaý komıteti Eńbek jáne Ulttyq ekonomıka mınıstrlikteriniń «Eńbek» baǵdarlamasy aıasyndaǵy jumysyn qanaǵattanarlyqsyz dep tanydy.
Jumyspen qamtýdyń jalǵan faktileri, jumyspen qamtý ortalyqtarynyń esebindegi aıla-sharǵylar, bıýdjettik nesıelerdi maqsatsyz paıdalaný jáne «Eńbek» nátıjeli jumyspen qamtýdy jáne jappaı kásipkerlikti damytý memlekettik baǵdarlamasynyń oryndalý máseleleri Nur Otan-nyń Partııalyq baqylaý komıtetiniń kezekti otyrysynda talqylandy.
Komıtet múshesi, Májilis depýtaty Álııa Ábsemetovanyń aıtýynsha, «Eńbek» baǵdarlamasyn iske asyrý úshin keıingi 4 jylda respýblıkalyq bıýdjetten 600 mlrd. teńgege jýyq qarjy bólingen. Alaıda baǵdarlamanyń nysanaly ındıkatorlary bir-birine uqsap qana qoımaı, kóbinese birin-biri qaıtalaıtyn bolyp shyqty. Bul – qazyna qarjysy bosqa shashylyp jatyr degen sóz.
Sonymen qatar Partııalyq baqylaý komıtetiniń músheleri azamattardy jumysqa tek qaǵaz júzinde qabyldaý faktilerin anyqtady. 2019 jyly 118,8 myń azamattyń jumyspen jalǵan qamtylǵany áshkerelengen. Iаǵnı mundaı kózboıaýshylyq turaqty jumysqa ornalasqandardyń jalpy sanynyń 31paıyzyna deıin jetkendigi dabyl qaǵarlyqtaı.
«Máselen, jumys berýshiler óz qyzmetkerlerin jumystan shyǵaryp, olardy jumyspen qamtý ortalyqtary arqyly áleýmettik jumys oryndaryna qaıta jumysqa alady. Nátıjesinde, adamdar burynǵysha jumys isteı beredi, biraq memleket olardyń tabysynyń 35 paıyzyn sýbsıdııalaıdy. Osylaısha, jumys berýshiler óz shyǵyndaryn memleket esebinen jaýyp otyr», dedi Álııa Ábsemetova.
Jappaı kásipkerlikti damytýda da jaǵdaı ońyp turǵan joq. Partııalyq baqylaý komıtetiniń aqparaty boıynsha, prokýratýra organdary 1,3 mlrd teńgeniń nesıesi negizsiz berilgen 341 faktini, jalpy somasy 555,3 mln. teńgeni quraıtyn bıýdjettik nesıe maqsatsyz paıdalanylǵan 180 faktini anyqtaǵan.
«Kásipkerlikpen aınalysamyn degenderdiń basym bóligi bıýdjettik nesıe alǵannan keıin birden óz qyzmetin toqtatady. Sóıtip, tıisti baqylaýdyń bolmaýy saldarynan adamdar bıýdjettik nesıe esebinen basqa bankterdegi qaryzdaryn jaýyp, úı men kólik satyp alady», dedi Álııa Ábsemetova.
«Eńbek» baǵdarlamasy aıasyndaǵy jastar tájirıbesiniń tıimdiligi de mardymsyz. Mamandyq boıynsha bıýdjet esebinen oqytylǵandardyń jalpy sanynyń 25 paıyzy ǵana jumysqa ornalasady.
Partııalyq baqylaý komıtetiniń tóraǵasy, Májilis depýtaty Artýr Platonovtyń aıtýynsha, jumyspen qamtý sııaqty mańyzdy salada jaýapsyzdyq pen bıýrokratızm faktileriniń sanyna jete almaısyń.
«Osy salaǵa jaýapty ortalyq jáne jergilikti bılik organdarynyń laýazymdy tulǵalary kóbine kórsetkishterdiń sońyna túsip, naqty ahýaldyń ózderi ádemilep «boıaǵan» esepterden aıyrmashylyǵy kóp ekenin baıqamaıdy», dedi Artýr Platonov.
О́z kezeginde Eńbek jáne halyqty áleýmettik qorǵaý mınıstri Serik Shápkenov keıingi 4 jylda «Eńbek» baǵdarlamasy aıasynda turaqty jumysqa 1,4 mıllıonnan astam adam ornalastyrylǵanyn, beıresmı jumyspen qamtylǵandar sany 400 myń adamǵa qysqarǵanyn, al jumyssyzdyq deńgeıi 4,9 paıyz deńgeıinde saqtalǵanyn habarlady. Sondaı-aq ol memlekettik baǵdarlamany jetildirý boıynsha atqarylyp jatqan sharalar týraly aıtyp berdi.
«Jumyspen qamtýdyń jalǵan faktilerimen kúresý úshin osy jyldyń mamyr aıynan bastap jumyssyz retinde tirkelý, bıýdjettik nesıe alýǵa ótinim berý jáne ózge de qyzmetter elektrondy eńbek bırjasy arqyly onlaın formatta kórsetiledi», dedi mınıstr.
Otyrys qorytyndysy boıynsha Partııalyq baqylaý komıteti Eńbek mınıstrligi men Ulttyq ekonomıka mınıstrliginiń «Eńbek» baǵdarlamasyn júzege asyrý aıasyndaǵy jumysyn qanaǵattanarlyqsyz dep tanýǵa qaýly etti. Eńbek vıse-mınıstri Erjan Birjanovty «eskertý» túrindegi partııalyq jaýapkershilikke tartý, al Qaraǵandy jáne Túrkistan oblystarynyń Jumyspen qamtýdy úılestirý jáne áleýmettik baǵdarlamalar basqarmalarynyń basshylary Ásem Júnispekova men Ásııa Temirbaevaǵa «eskertpe» túrindegi partııalyq jaza qoldaný usynyldy.
Buǵan qosa, Partııalyq baqylaý komıteti Eńbek jáne Ulttyq ekonomıka mınıstrlikterine jumyspen qamtý baǵdarlamasyn baǵalaý ádistemesin ázirlep, ony sarapshylyq jáne ǵylymı ortada talqylaýdy, sondaı-aq jyl saıyn baǵdarlamany júzege asyrý nátıjeleriniń ashyq qoljetimdi kózderde jarııalanýyn qamtamasyz etýdi usyndy.