«Azyq-túlik kelisim-shart korporasııasy» Mańǵystaý oblysynyń shalǵaı óńirlerine 546,304 tonna arzandatylǵan arpa jetkizý jumystaryn jalǵastyrýda. Bul týraly korporasııanyń baspaóz qyzmeti habarlady, dep jazady Egemen.kz.
Korporasııa 13 shilde kúni 9 vagonǵa arpa artýǵa kiristi. Arpa qabyldaýǵa jáne odan ári mal sharýashylyqtary arasynda taratýǵa yńǵaıly bolýy úshin birden 45-50 kg qaptarǵa salynyp jatyr. Atalǵan jumys Aq-kól stansııasyndaǵy «Astyq qoımalary №1 astyq bazasy» JShS astyq qabyldaý kásipornynda iske asyp otyr.
«Azyq-túlik kelisim-shart korporasııasy» maýsym aıynda Mańǵystaý jurtyn jem-shóppen qamtamasyz etý úshin jalpy kólemi 637,294 tonna bolatyn 10 vagon jetkizgen edi.
Qazirgi ýaqytta Qyzylorda oblysynyń mal sharýashylyǵy kásiporyndaryna da arpa jiberý jumysy jalǵasyp jatyr.