Prezıdent Qasym-Jomart Toqaev Ábsattar qajy Derbisáliniń otbasy men jaqyn týystaryna kóńil aıtty, dep habarlaıdy Egemen.kz.
Memleket basshysy Qasym-Jomart Toqaev asa kórnekti shyǵystanýshy jáne dintanýshy ǵalym, fılologııa ǵylymdarynyń doktory, professor, UǴA akademıgi, dıplomat Ábsattar qajy Baǵysbaıuly Derbisáliniń dúnıeden ótýine baılanysty kóńil aıtý jedelhatyn joldady.
«Ábsattar Baǵysbaıuly elimiz úshin eseli eńbek etti. Ál-Farabı atyndaǵy Qazaq ulttyq ýnıversıtetinen bastalǵan ustazdyq joly jemisti boldy. Arabtaný ǵylymynyń negizin salýshylardyń biri retinde ǵylymǵa tereń boılap, monografııalar men qundy eńbekter jazdy. Sonymen qatar elimizdiń syrtqy saıasaty salasynda qyzmet etip, Qazaqstan men Saýd Arabııasy Koroldigi arasyndaǵy yntymaqtastyq baılanystyń órken jaıýyna atsalysty. Qazaqstan musylmandary dinı basqarmasynyń tóraǵasy, Bas múftı bolǵan tusynda ıslam dininiń qundylyqtaryn dáripteýge, sondaı-aq konfessııaaralyq jáne ultaralyq kelisimniń nyǵaıa túsýine qomaqty úlesin qosty. О́negeli ǵumyr keship, sońyna mol ǵylymı mura qaldyrǵan Ábsattar qajy Baǵysbaıulynyń jarqyn beınesi umytylmaıdy. Halqymyz kórnekti ǵalymnyń esimin árdaıym ardaq tutady», dep jazylǵan Prezıdenttiń jedelhatynda.