Ýádeler men ótinishterdiń oryndalýy qalaı?

Partııanyń baspasóz qyz­metiniń málimetinshe, óńirlerde 4,6 mln sharshy metr turǵyn úı nemese 37,6 myń páter salyndy, sondaı-aq 8,4 myń oryndyq 25 mektep jáne 4 myń oryndyq 66 balabaqsha, 800 kelýshige arnalǵan 9 medısınalyq nysan ashyldy. 630 mlrd teńge ınvestısııa tartý arqyly 48 kásip­oryn iske qosylyp, 107 myń­nan astam adam turaqty jumys oryn­daryna ornalasty­ryldy. 

Saılaýaldy ýádelerdi iske asyrý aıasynda Aqtóbe oblysynda 104 aýyldyq eldi meken gazben qamtamasyz etile­di. Atap aıtqanda, Muǵaljar aýda­­ny­n­yń Juryn aýylynda qu­­ry­­lys jumystary bastalyp ket­ti. Jaqynda bul eldi mekenge taza aýyz sý jetkizildi, endi tur­ǵyndar «kógildir otyn­nyń» ıgili­gin kóretin bolady. О́ıt­keni Qan­dy­aǵash – Juryn – Qarakól baǵyty boıynsha gaz qubyryn salýǵa oblystyq bıýdjetten 1 mlrd teńgeden astam qarajat bólindi.

Shymkent qalasynda 32 mek­teptiń qurylysy bastaldy. Jańa oqý jylynda úsh aýysymda oqytatyn orta bilim berý uıymdarynyń sany 14-ten 9-ǵa deıin qysqarýǵa tıis.

Qyzylorda oblysynda jyl sońyna deıin 5 apatty kópir­di jóndeý josparlanǵan. О́ńir­de oblystyq mańyzy bar tas joldaǵy kópirlerdiń birine qaıta jóndeý jumystary júr­gizildi. 2018 jyly kóktemgi sý tasqyny saldarynan Jalaǵash aýdanynda oblystyq mańy­zy bar «Jalaǵash – Josaly» avto­kólik jolyn sý basqan. Jyl saıyn oblystyń Jalaǵash, Qar­maqshy, Qazaly, Aral aýdan­darynyń 200 myńnan astam turǵyny oblys ortalyǵyna osy tas jol arqyly barady. Bıyl buzylǵan ýchaskelerdi qalpyna keltirýge 98,2 mln teńge bólindi, 1 kılometr tas jol tóselip, 4 sý ótkizý qurylǵysy ornatyldy.

Almaty oblysynda par­tııalyq ýádege saı Sarybaı bı, Dolan jáne Erkin aýyldarynda úsh ambýlatorııa ashyldy. Erkin aýylynda jalpy aýmaǵy 1000 sharshy metrdi quraıtyn jańa eki qabatty ǵımaratta sapaly medısınalyq kómek kórsetý úshin barlyq jaǵdaı jasalǵan. Jańa ambýlatorııada ÝDZ, EKG-den ótýge, sondaı-aq tis dári­geriniń qabyldaýyna kelýge múmkindik bar. Ambýlatorııa Erkin jáne Kóktal aýyldarynyń turǵyndaryn qosa alǵanda, barlyǵy 18 myń adamǵa qyzmet kórsetetin bolady.

Dolan jáne Sarybaı bı aýyl­dyq okrýgterindegi jańa ambýla­torııalarda dári­gerge deıin­gi jáne dáriger­lik qa­byl­daý, gı­ne­kolog, tis dári­geri, emshara jáne fızıo­te­ra­pııalyq qabyl­daý kabınetteri, emshara bólmesi bar.

Batys Qazaqstan oblysynda 2025 jylǵa deıin 8 myńǵa jýyq otbasyny turǵyn úımen qamtamasyz etý josparlanyp otyr. Oralda 90 páterli turǵyn úı paıdalanýǵa berildi. Odan bólek, oblystyń árbir aýdanynda jańa dene shynyqtyrý-saýyqtyrý keshenderiniń qury­lysy bastaldy, onyń ekeýi Jal­paqtal jáne Podstepnoe aýyldarynda maýsym aıynyń basynda esikterin aıqara ashty. Olarda kúres, voleıbol, fýtbol, basketbol sekildi sport túr­lerine arnalǵan jattyǵý zal­dary, 160 oryndyq kórermen zaly qaras­tyrylǵan. Nysannyń aýmaǵynda shaǵyn fýtbol jáne júgirý alańdary salyndy.

Sonymen qatar jyl basynan beri Nur Otan-nyń qoǵamdyq qabyldaý bólmelerinde depýtattar, partııa músheleri – mem­lekettik organdardyń basshy­lary 14 myńnan astam qabyl­daý ótkizip, 74 myńnan astam qazaq­­standyqty qabyldady. О́ti­nish­terdiń 96 paıyzy boıyn­sha oń sheshimge qol jetkizi­lip, kon­sýl­tatıvtik, quqyqtyq jáne bas­qa da kómek kórsetildi. Qal­ǵan 4 paıyzy oryndalý ústinde.

О́tken jyldyń sońynda onlaın-rejimde ótken qabyl­daý­lardyń birinde  partııa Tór­aǵasynyń birinshi orynbasary Baýyrjan Baıbek Aqtóbe obly­sy­nyń 24 jastaǵy turǵyny Aıbek Qos­maǵam­betovtiń ótini­shin tyńdaǵan bola­tyn. Qobda aýdanynyń Taldysaı aýy­ly­­nyń turǵyny sol kezde eldi meke­nde joldyń joqtyǵyn aıtyp, shaǵymdanǵan.

Baýyrjan Baıbek óz kezegin­de Aıbek Qosmaǵambetovke depýtattar taıaý ýaqytta ótetin sessııada eldi mekendegi joldy jóndeýge qarajat bólý máse­lesin qaraıtynyn aıtqan edi.

Nur Otan fraksııasynyń depýtattary ótinishti qaraǵannan keıin bıyl aýyldaǵy jalpy uzyndyǵy 2,6 km bolatyn eki jolǵa ortasha jóndeý júr­gizildi. Á.Moldaǵulova atyn­daǵy kósheni jóndeýge ob­lys­tyq bıýdjetten 65,5 mln teń­ge, al Abat Baıtaq kóshesine – 140,2 mln teńge bólingen. Búgin­de asfalt tóseý jáne júrgin­shi­ler joldaryn jaılastyrý ju­mystary atqarylýda.

Sondaı-aq Nur Otan-nyń elor­dalyq fılıalyna «Qazaqaýyl» shaǵyn aýdany­nyń turǵyny gazdandyrý máse­lesin sheshý týraly óti­nish aıtqan. О́ıtkeni osy aýdan­nyń 150 úıi gaz jelisin tartý jo­basyna kirmeı qalǵan eken. As­tana­ny jáne el óńir­lerin gazdandyrý­dyń aýqym­dy jo­ba­syna Tuńǵysh Prezı­dent – El­basy Nursultan Nazarbaev­tyń ózi bastamashy bolǵa­nyn es­­ke­re otyryp, Partııalyq ba­qy­laý komıssııasy elordanyń Otyn-energetıkalyq keshe­ni jáne kommýnaldyq sharýashy­lyq basqarmasynyń bas­shy­sy Tólegen Qulushev pen tur­ǵyn­dar­dyń kezdesýin  uıym­das­tyr­dy. Nátıjesinde «Qazaq­aýyl» sha­ǵyn aýdanyn gaz­ben qamtý je­lisin tartý úshin jobalyq-sme­ta­­lyq qujattama ázirleý jáne gaz­­dandyrý ju­mysyn bıyl­ǵy tór­tinshi toqsan­da bastaý uıǵaryldy.

Batys Qazaqstan oblysynda nur­otan­dyqtar Oral qalasynan 140 shaqy­rym qa­shyqtyqta ornalasqan Syrym aýda­nynyń Jympıty aýyly turǵynda­rynyń kólik máselesin sheshýge kómek­tes­ti. Olar­dyń ótinishine oraı qazir Jym­­pıty – Oral baǵytynda tu­raq­ty av­tobýs qatynaı bastady jáne múm­kin­digi shekteýli, tur­mysy tómen otbasy­lar­dyń bala­lary tegin tasymaldanatyn boldy.

Mańǵystaý oblysynyń Jańa­­ózen qalasyndaǵy úıler­diń biriniń tur­ǵyndary jarty ǵasyrdan beri tabıǵı gaz tartýdy surap kelgen. Ǵımarat sonaý 1965 jyly jatahqana retinde paıdalanýǵa berilgen, al 90-jyldary turǵyndar páter­lerin jekeshelendirip alǵan. Osy máseleni sheshý úshin tur­ǵyndar Nur Otan partııasynyń jergilikti fılıalyna júgindi. Nátıjesinde qalalyq bıýdjetten qarajat bólinip, barlyq páterge gaz tartyldy.

Nur Otan partııasynyń Res­pýb­­lıkalyq qoǵamdyq qabyl­daý bólmesine kelesi baılanys arna­larynyń biri arqyly júgine alasyz:

- Call-sentr: 8 800 080 4441 (Qazaqstan boıynsha qońyraý shalý tegin);

- WhatsApp: 8 700 800 4441

- E-mail: komek@nurotan.kz.

- Otbasy, áıelder men balalar máseleleri, sondaı-aq otbasylyq-turmystyq zorlyq-zombylyqqa qarsy áreket boıynsha «111 Jedel qyzmeti».