Birikken Arab Ámirlikteri 3 jastan asqan balalarǵa qytaılyq Sinopharm vaksınasyn qoldanýǵa ruqsat berdi, dep habarlaıdy Egemen.kz Reuters-ke silteme jasap.
Tıisti sheshimdi Densaýlyq saqtaý mınıstrligi Abý-Dabıdegi 900 eriktini synaqtan ótkizgennen keıin qabyldady. Biraq, buǵan qaramastan, zertteý nátıjeleri áli jarııalanǵan joq.
BAÁ Densaýlyq saqtaý mınıstrliginiń málimetinshe, tamyzdyń basynda halyqtyń 78 paıyzdan astamy - shamamen 9 mıllıon adam vaksınanyń alǵashqy dozasyn aldy. Vaksınasııany aıaqtaǵandar - 70 paıyz.
Qazaqstanda 12 jastan 18 jasqa deıingi balalardy Pfizer preparatymen vaksınasııalaý máselesi qarastyrylýda. Densaýlyq saqtaý mınıstri Alekseı Soı balalardy vaksınasııalaý tek ata-analardyń tańdaý quqyǵymen erikti túrde ótkiziletinin atap ótti.