Bıyl qyrkúıek aıynda Nur-Sultanda vaksınasııalanǵandar arasynda eki bólmeli páter oınatylady, dep habarlady Egemen.kz.
Elordada jyljymaıtyn múlikti osy jyldyń 25 maýsymy men 31 tamyzy aralyǵynda vaksınanyń birinshi komponentin alǵan 18 jastan asqan qala turǵyndary utyp ala alady. Bul utys oıynyna vaksınasııanyń barlyq pýnktinde ekpe alǵandar qatysady: medısınalyq mekemeler, SOO/SÚ. Utys oıynyna qatysý avtomatty túrde júrgiziledi. Arnaıy qujat toltyryp, tirkelýdiń qajeti joq. Eki bólmeli páterdiń utys oıyny tikeleı efırde ótedi.
Elorda ákimdigi vaksına alǵandar arasynda iPhone12 jáne basqa da qundy júldelerdiń utys oıynyn apta saıyn ótkizip turatynyn eske salamyz. Mysaly, 9 shildeden bastap vaksınasııalanǵandardyń arasynda iPhone 12 telefonynyń 13 danasy, sol sııaqty tórt tońazytqysh, úsh teledıdar, eki planshet, úsh mıkrotolqyndy pesh, bes prınter, eki beınetirkegish, kir jýǵysh mashına, Alısa aqyldy kolonkasy jáne aýany ylǵaldandyrǵysh oınatyldy. Aıta ketý kerek, utys oıyndary demeýshilerdiń kómegimen ótkiziledi.
Vaksına alǵandar arasynda iPhone12 jáne basqa da baǵaly syılyqtardyń kezekti altynshy utys oıyny 14 tamyz kúni (senbi) Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda tikeleı efırde ótedi.
Sondaı-aq, «MEGA Silk Way» SOO-daǵy vaksınasııa pýnktinde 23 maýsym men 31 tamyz aralyǵynda vaksınasııanyń birinshi komponentin alǵandar arasynda avtomobıl utysy ótedi.
Budan bólek, ekpe alǵandar arasynda baǵaly júldelerdiń utys oıyny ózge de SOO men SÚ-lerdegi vaksınasııa pýnktterinde ótedi.
Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan. Ony ázirleýge IT-qaýymdastyq qatysty. Ekpe alǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.
Baǵaly syılyqtardyń utys oıyndary qala turǵyndaryn vaksınasııalaýǵa yntalandyrý úshin ótkiziledi. Vaksınasııa ǵana óz densaýlyǵyńyzdy da, jaqyndaryńyz ben aınalańyzdaǵy jandardyń densaýlyǵyn da qorǵaýǵa múmkindik beredi. О́ıtkeni, basty maqsat – ujymdyq ımmýnıtetti damytý jáne karantınge deıingi rejımge oralý.