Batys Qazaqstan oblysyna keshe Sinopharm kompanııasynyń Vero Cell vaksınasynyń 10 myń dozasy jetkizildi, dep habarlaıdy Egemen.kz.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, vaksına 18 jastan asqan eresek adamdarǵa arnalǵan.
Vaksına emhanalarǵa taratylady. Kúni búginge deıin oblysta 184 390 adam koronavırýs vaksınasynyń birinshi, 141 782-si ekinshi komponentimen egildi. Sonyń ishinde 9 426-sy - medısına qyzmetkerleri, 15 631-i - pedagogter (99,5 paıyz), 4 392-si - quqyq qorǵaý organdarynyń ókilderi (88,8 paıyz), 1 287-si - medısınalyq-áleýmettik jáne jabyq balalar mekemelerinde jumys isteıtinder.
О́ńirde turǵyndardy vaksınasııalaý odan ári jalǵasýda.