Beısenbide Kabýldaǵy Hamıd Karzaı atyndaǵy halyqaralyq áýejaı aımaǵynda kúshti jarylys boldy, dep habarlaıdy Egemen.kz.
«Anadoly» aqparattyq agenttiginiń tilshisi Aýǵanstan astanasynan habarlaǵandaı, jarylys dybysy áýe aılaǵy aımaǵynan áldeqaıda alys jerde estilgen.
«Ál-Jazıra» telearnasy «Talıban» qozǵalysynyń ókilderine silteme jasap, 13 adamnyń qaza tapqanyn habarlady.
Kabýldaǵy jedel járdem aýrýhanasynyń ókilderi Twitter -de jarylys aımaǵynan kelgen 60 adam aýrýhanaǵa jatqyzylǵanyn habarlady.
Jarylys faktisin Pentagon ókili Djon Kırbı rastady.
Amerıkalyq buqaralyq aqparat quraldary Kabýl áýejaıy mańynda bolǵan jarylystan 4 amerıkalyq áskerı qyzmetker qaza taýyp, úsheýi jaralanǵanyn habarlady.
Sondaı-aq Túrkııanyń Ulttyq qorǵanys mınıstrligi Kabýl áýejaıynyń syrtynda eki jarylys bolǵanyn habarlady. Túrik áskeri arasynda qaza tapqandar joq.