Elorda turǵyndarynyń ótinishin eskere otyryp, vaksınasııalanǵandar arasynda ótetin eki bólmeli páterdiń utys oıynynyń ýaqyty uzardy. Osylaısha 25 maýsym men 28 qyrkúıek aralyǵynda (28 qyrkúıek kúnin qosa alǵanda, buryn 31 tamyz bolǵan) Nur-Sultanda vaksınasııalanǵandardyń eki bólmeli páter utyp alý múmkindigi bar. Utys oıynyna osy jyldyń 25 maýsymy men 28 qyrkúıegi aralyǵynda vaksınanyń birinshi komponentin alǵan 18 jastan asqan turǵyndar qatysa alady, dep jazady Egemen.kz Nur-Sultan qalasy ákimdiginiń resmı saıtyna silteme jasap.
Bul utys oıynyna vaksınasııanyń barlyq pýnkti qatysady: medısınalyq mekemeler, SOO/SÚ. Utys oıynyna qatysý avtomatty, arnaıy qujat toltyryp, tirkelýdiń qajeti joq. Eki bólmeli páterdiń utys oıyny tikeleı efırde ótedi.
Elorda ákimdigi apta saıyn vaksına alǵandar arasynda iPhone12 jáne basqa da qundy syılyqtardyń utys oıynyn ótkizip keldi. Vaksınasııalanǵandardyń arasynda sońǵy úlgidegi iPhone telefonynyń 19 danasy, 6 tońazytqysh, 4 teledıdar, 2 planshet, 4 mıkrotolqyndy pesh, 5 prınter, 2 beınetirkegish, kir jýǵysh mashına, Alısa aqyldy kolonkasy, aýa ylǵaldandyrǵysh jáne t.b. oınatyldy. Budan bólek, vaksınasııalanǵandar arasynda baǵaly júldelerdiń utys oıynyn ekpe pýnktteri ornalasqan SOO jáne SÚ ótkizedi.
Sondaı-aq, «MEGA Silk Way» SOO-daǵy vaksınasııa pýnktinde 23 maýsym men 31 tamyz aralyǵynda ekpeniń birinshi komponentin alǵandar arasynda avtomobıldiń utys oıyny ótedi.
Birge (https://birge-elorda.kz/nur-sultan) platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan, ol vaksınasııalanǵandardyń ID-nómiri arqyly júlde ıelerin tańdaıdy. Ony ázirleýge IT-qaýymdastyq ta qatysty. Vaksınalanǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.
Elordada ótkiziletin utys oıyndary jurtshylyqty vaksınasııalaýǵa yntalandyrý, osylaısha óziniń jáne ózgelerdiń densaýlyǵyn saqtaý úshin uıymdastyrylady.