Qandastarǵa Qazaqstan azamattyǵyn alý jeńildetildi, dep jazady Egemen.kz.
2021 jyldyń 1 qyrkúıeginen bastap tarıhı otanyna oralǵan etnıkalyq qazaqtar úshin tórt memlekettik qyzmet «bir ótinish» qaǵıdaty boıynsha kórsetile bastady.
«Kandas mártebesin berý nemese uzartý» qyzmeti qonys aýdarýshylarǵa qajet taǵy úsh qyzmetpen birge kórsetiledi», dep habarlaıdy QR EHÁQM baspasóz qyzmeti.
Osylaısha kórsetiletin qyzmetti alýshy atalǵan memlekettik kórsetiletin qyzmetke ótinish bergennen keıin «Qandastar men qonys aýdarýshylardy qabyldaýdyń óńirlik kvotasyna engizý», «Sheteldikterge jáne azamattyǵy joq adamdarǵa Qazaqstan Respýblıkasynda turaqty turýǵa ruqsat berý», sondaı-aq «Qazaqstan Respýblıkasynyń azamattyǵyn qabyldaýdy, qalpyna keltirýdi jáne odan shyǵýdy tirkeý» qyzmetterin paıdalana alady.
«Bir ótinish» qaǵıdaty boıynsha qyzmet kórsetý merzimderi:
– qandas mártebesin berý nemese uzartý – 4 jumys kúni;
– qandastar men qonys aýdarýshylardy qabyldaýdyń óńirlik kvotasyna engizý – 14 jumys kúni;
– sheteldikter men azamattyǵy joq adamdarǵa Qazaqstan Respýblıkasynda turaqty turýǵa ruqsat berý – 45 kúntizbelik kún;
– Qazaqstan Respýblıkasynyń azamattyǵyn alýdy, qalpyna keltirýdi jáne odan shyǵýdy tirkeý – 30 jumys kúni.
Qujattardy qabyldaý kúni memlekettik qyzmet kórsetý merzimine kirmeıdi.
Osy kompozıttik memlekettik qyzmetti alý maqsatynda qandastarǵa biryńǵaı tizbege sáıkes tıisti qujattardy usyný jetkilikti.